காதலின் எச்சம்

உயிர்த் தீ பற்றிக்கொண்டு
காதல் திண்டாடும்

இத் தருணத்தில்...

எளிதில்
கேட்டுவிட முடிவதில்லை

தொண்டைக் குழிக்குள்
உருண்டு
வெளிப்படத் தயங்கும்

காய்ந்த உதடுகள்
ஈரமாகுவதில்லை

அச்சத்தின் அதிர்வலைகள்
சுதி மீட்டிப் பார்க்கும்

இருந்தும் விடுவதில்லை..

இன்றேனும் தொடங்கிவிட
உந்து சக்தி உந்திவிடும்

விரும்பியது பெற்றிட
சமுகப் போர்வை
தடை செய்து கிடக்கும்

தடை மீறும் வசதியில்
தண்டனை எனக்கேதும்
இல்லை

முயல்வது நான்
தவிப்பது நீ

காதலின் எச்சம்
எப்போதும்
விடுவதாயில்லை